Dünyanın ən böyük qida pərakəndə satış qruplarından biri olan “Ahold Delhaize”, New York şəhərində yerləşən investisiya şirkəti “Centerbridge Partners” ilə birlikdə 7 yanvar 2021 tarixində mərkəzi New York şəhərində yerləşən onlayn market olan “FreshDirect”in satın alınma prosesinin bitdiyini rəsmi şəkildə elan etdilər. Daha əvvəl 18 noyabr 2020-ci ildə elan olunan satınalma ilə “Ahold Delhaize”, böyük hissəni aldı və “Centerbridge Partners” 20% hissəyə sahib olan investor oldu. Razılaşmanın maliyyə şərtləri isə açıqlanmadı.
“FreshDirect”, marka adını qoruyub saxlayacaq və müstəqil olaraq New York şəhərindəki müəssisəsi xaricində fəaliyyət göstərməyə davam edəcəkdir.
“Ahold Delhaize”in baş icraçı direktoru Frans Muller, “FreshDirect”i böyük yerli markalar ailələrinə daxil etdikləri üçün çox məmnun olduqlarını söyləyir. O qeyd edir ki, geniş və sadiq kütləyə sahib olan bu aparıcı yerli onlayn marka, onlara New York ticarət sahəsindəki əlavə müştərilərə sahib olmağa çox kömək edəcəkdir.
“FreshDirect”in baş icraçı direktoru David Mclnerney isə “FreshDirect” üçün yeni bir dövrün başlandığını qeyd edir və komandasının yeni həmkarlarla birlikdə işləməyi çox səbirsizliklə gözlədiyini bildirir.
Son olaraq, “Centerbridge Partners”in baş icraçı direktoru Steve Silver, “FreshDirect”in böyüməsini sürətləndirmək üçün lojistik təsisləri və elektron ticarətin həyata keçirilməsində qarşılıqlı öz təcrübələrini bölüşə biləcəkləri şirkət olan “Ahold Delhaize” ilə bu yeni ortaqlığa başladıqları üçün çox məmnun olduqlarını söyləyir.
