Hot zone (qaynar zona) satış nöqtəsi daxilində ən yüksək impuls satışına sahib olan məkandır. Merçendayzer və satış nümayəndələri arasında “HZ” kimi də adlandırılır.
“Qaynar zona”nın ayırd edilməsi təchizatçı şirkətlərə satış nöqtələrində mallarının vizuallaşdırılmasında əldə olunan uğurları qiymətləndirməyə, eyni zamanda impuls dövriyyəsini maksimum dərəcədə artırmaq üçün satış və ticarət (merçendayzinq) məqsədlərini formalaşdırmağa imkan verir.
Məhsulun xüsusiyyətlərindən asılı olaraq, hərəkət istiqamətində girişdən sağ tərəfdə olan ərazini, ticarət zalının perimetri boyu stellajlardakı “qızıl rəfi”, kənar stellajların “qızıl rəfini”, kassaya yaxın zonanı “Hot Zone”a daxil etmək olar.
Məsələn, fərdi qablaşdırmada olan və soyuducu avadanlıqlara ehtiyacı olmayan kiçik qida və qeyri-ərzaq məhsulları (saqqız, şokolad, şüşə konfetlər, batareyalar, alışqanlar, siqaretlər və s.) üçün “qaynar zona”ya aşağıdakılar daxildir:
1. Piştaxta tipli mağazada kassayanı ərazidə, göz səviyyəsindən bel səviyyəsinədək şaquli istiqamət boyunca, üfuqi istiqamətdə isə hesablaşma qovşağından (kassalar olan ərazidən) təxminən bir metr sola və sağa, eləcə də növbənin uzunluğuna görə piştaxta boyunca (adətən kassadan sağda), uzadılan əl məsafəsində dərinlikdə olan sahə. “Qaynar zona” üçün hesab nöqtəsi qəpik qutusudur (xırda pul üçün qab).
2. Özünə xidmət mağazasında hesablama nöqtəsinin qarşısında növbə uzunluğunda, şaquli olaraq göz səviyyəsindən bel səviyyəsinə qədər düzbucaqlı paralelepiped sahəsi.
3. Köşkdə pəncərənin içərisində, və ya birbaşa pəncərənin yanında, solunda, sağında və üstündəki yer.
